மம்தா அமைச்சரவையில் சேருவது குறித்து கொல்கத்தாவில் இன்று நடைபெறும் காங்கிரஸ் எம்எல்ஏக்கள் கூட்டத்தில் முடிவு எடுக்கப்படுகிறது. மேற்கு வங்க முதல்வராக மம்தாபானர்ஜி நாளை பதவியேற்கிறார். இந்த விழாவில் பங்கேற்க வருமாறு சோனியா மற்றும் பிரதமர் மன்மோகன்சிங்குக்கு மம்தா அழைப்பு விடுத்திருந்தார். மன்மோகன்சிங் வெளிநாடு செல்வதால் விழாவில் கலந்து கொள்ள முடியாது என தெரிவித்து விட்டார். சோனியா காந்தியும் விழாவில் பங்கேற்க மாட்டார் என காங்கிரஸ் வட்டாரங்கள் தெரிவித்தன. காங்கிரஸ் கட்சி சார்பாக மத்திய உள்துறை அமைச்சர் ப.சிதம்பரம் கலந்து கொள்கிறார். அவருடன் பிரணாப் முகர்ஜி மற்றும் காங்கிரஸ் காரிய கமிட்டி உறுப்பினர் ஷகீல் அகமது ஆகியோரும் கலந்து கொள்கின்றனர்.
No comments:
Post a Comment